«Asia Finance» saqtandyrý qyzmetteri agenttiginiń qarjysyn jymqyrǵan azamatsha sottaldy
ASTANA. 4 sáýir. QazAqparat - «Asia Finance» saqtandyrý qyzmetteri agenttigi» JShS-nyń jalpy somasy 854 510 teńge aqsha qarajatyn urlaǵan azamatsha sottaldy.
Bul týraly QR Ekonomıkalyq qylmysqa jáne sybaılas jemqorlyqqa qarsy kúres agenttiginiń baspasóz qyzmetinen habarlady.
«Astana qalalyq ekonomıkalyq qylmysqa jáne sybaılas jemqorlyqqa qarsy kúres departamenti A.Dúısenovaǵa qatysty qylmystyq istiń tergeýin aıaqtady. Ol óziniń qyzmet babyn paıdalanyp, 2009 jylǵy qazannan 2010 jylǵy maýsym aralyǵynda senip tapsyrylǵan «Asia Finance» saqtandyrý qyzmetteri agenttigi» JShS-nyń jalpy somasy 854 510 teńge aqsha qarajatyn urlaǵan», - delingen habarlamada.
Astana qalasy Saryarqa aýdandyq №2 sotynyń úkimimen A.Dúısenova QR QK 176-baby 3-bóligi «b» tarmaǵy boıynsha kináli dep tanylyp, sharty túrde 5 jylǵa bas bostandyǵynan aıyrýǵa sottaldy.
