Ashyq júıesindegi aqaýǵa qatysty tsıfrlyq damý mınıstrligi túsinikteme berdi

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstrligi Ashyq júıesinde oryn alǵan tehnıkalyq aqaýǵa qatysty túsinikteme berdi, dep habarlaıdy QazAqparat tilshisi.

«Ashyq» jobasynyń qyzmeti tolyqtaı «Ulttyq aqparattyq tehnologııalar» AQ-na berildi. Qazirgi ýaqytta barlyq problema sheshildi. Qosymshany qoldanýshy adam sanynyń shamadan tys kóp bolýynan tehnıkalyq qatelikter oryn aldy», - dedi atalǵan mınıstrliktiń Tsıfrlyq sheshimder departamentiniń dırektory Bolatbek Moldabekov.

Onyń aıtýynsha, búginde atalǵan qosymshany 1 mln 600 myńnan astam adam belsendi qoldanady.

»Sandar jyldam ósýde. Bizdiń aktsıonerlik qoǵam úlken júktememeni ıgere alady. Búginnen bastap eshqandaı problema bolmaıdy. Jáne júıe aqaýsyz jumys isteýi úshin janama túri ázirlenedi. Sondyqtan másele týyndamaıdy«- deıdi ol.