Ashyq jobasynyń kóshbasshylary júıeniń artyqshylyǵy týraly aıtty
29 maýsymnan bastap Forum saýda oıyn-saýyq ortalyǵyna Ashyq qosymshasyn skanerlegennen keıin ǵana kirýge bolady. Kireberiste qaýipsizdik qyzmeti kelýshilerden júıede olardyń mártebesin tekserýdi suraıdy nemese ózderi tekseredi.
Almatyda bul júıe barlyq saýda núktesine belsendi túrde engizilýde, osylaısha kásipkerler ınfektsııanyń taralýyna qarsy kúresti jandandyryp jatyr.
Saýda ortalyǵy zańgeriniń aıtýynsha, olar lokdaýndy engizbeý úshin Ashyq júıesimen jumys isteýde.
«Bizdiń SOSO birinshi bolyp, Ashyq aıasyndaǵy jumys algorıtmin qoldanýǵa qyzyǵýshylyǵy men daıyndyǵyn bildirdi. Kásipkerler SOSO koronavırýstyq ınfektsııanyń taralý qaýpi joǵary adamdar kóp jınalatyn oryn ekenin túsinedi. Sondyqtan biz býtıkterimizdiń, fýdkorttar men basqa da saýda oryndarynyń qaýipsiz jumys isteýin qoldaımyz», - deıdi Natalıa Stepanova.
Zańgerdiń sózinshe, SOSO jańa mindetterge túsinistikpen qaraǵan kúzet qyzmetiniń jaýapty jumysynyń arqasynda Ashyq kóshbasshysy boldy.
Sonymen qatar, atalǵan saýda ortalyǵynyń 100 qyzmetkeriniń 95-i koronavırýsqa qarsy ekpe aldy. Saýda ortalyǵyndaǵy egý pýnkti 12 sáýirde ashyldy, sodan beri qala turǵyndary arasynda tanymal. Sondaı-aq vaktsına saldyrǵandar arasynda birneshe ret baǵaly syılyqtar oınatyldy.
Eske salsaq, qalada epıdemıologııalyq ahýal kúrdeli. Ótken táýlikte megapolıste koronavırýs ınfektsııasyn juqtyrǵan 1 493 adam anyqtaldy. Infektsııalyq statsıonarlarda 5 474 adam, onyń ishinde 216 bala bar. Telemedıtsına ortalyǵynyń mobıldi toptary 11 908 naýqasty úılerinde baqylaýda.
