Ashyq jobasyna qatysatyn uıymnyń vaktsına alǵan qyzmetkerleri qalaı tekseriledi

ALMATY. QazAqparat - Almatynyń bas memlekettik sanıtar dárigeri Jandarbek Bekshın kásiporyndarda vaktsına alǵan qyzmetkerlerdiń qalaı tekseriletinin aıtty, dep habarlaıdy QazAqparat tilshisi.

«Respýblıkalyq vedomstvoaralyq komıssııa bekitip, algorıtm tásilderi maquldandy. Aldymen jobalyq keńse qyzmetkerlerdiń sany 55 adamnan asatyn jáne personaldyń keminde 60%-y birinshi komponentpen egilgen kásiporyndardyń tizimin jasaıdy. Bul tizimder jergilikti atqarýshy organdarǵa beriledi, al olar bul tizimdi bekitip, monıtorıng toptaryna berýi tıis. Monıtorıng toptardyń reıdi infokazakhstan.kz saıtynda tirkeledi jáne jumys kúnderi, saǵat 10:00 - den 17:00-ge deıin ótkiziledi», - dedi Bekshın.

Onyń aıtýynsha, monıtorıng toptary qandaı da bir obektide jumys isteıtin barlyq qyzmetkerdiń tizimin tekseredi. Vaktsına alǵandardy, sondaı-aq, medıtsınalyq kórsetkishi boıynsha vaktsınatsııadan bosatylǵan adamdardy jáne jeti kún ishinde PTR test tapsyrǵan adamdardy kórsete otyryp, aty-jónderi men JSN-nyn belgileıdi. «Monıtorıng toptary tańdaý arqyly Ashyq qosymshasynda kórsetilgen adamdardyń mártebesin jáne qyzmetkerlerdiń tizimimen salystyryp tekseredi. Eger 50 - den 200 adamǵa deıin bolsa, onda jumystaǵy qyzmetkerlerdiń keminde 10% - y iriktep tekseriledi, eger 201-den 500-ge deıin bolsa, onda 5% - y, al 500-den 1 000-ǵa deıin bolsa, onda 3% - y, 1 000-nan astam bolsa, onda 1% - y tańdaý arqyly tekseriledi. Eger qyzmetkerdiń «qaýipti» statýsy bolsa, onda onyń nelikten jumys ornynda bolýynyń negizi naqtylanady. Eger osy jaǵdaıdyń negizi bolmasa, onda baıanat túrindegi materıaldar aýdandyq sanepıdbaqylaý basqarmasyna beriledi. Aýdandyq basqarmanyń qyzmetkerleri statýsynda «kók» túsi bar adamdardy qaıta tekseredi, sebebi, bazaǵa kire alady, sondaı-aq, medıtsınalyq aqparattyq júıe kórsetiledi. Osy materıaldardy taldaý barysynda SES ákimshilik sharalardy qabyldaıdy», - dep tolyqtyrdy spıker. Osyǵan baılanysty aldymen kásiporyn basshylary eskertiledi, jaǵdaı qaıtalanatyn bolsa, kompanııaǵa aıyppul salynady, al obekt Ashyq jobasynan shyǵarylady. Tekserý barlyq resmı qujattar rásimdelgen soń bastalady.