«Ashyq» jobasy arqyly jumysymyz qaıta jandandy - meıramhana ákimshisi
Kókshetaýdaǵy «Samuryq» meıramhanasy karantınge qaramastan jumysyn burynǵysynsha jalǵastyrýda. Óıtkeni, meıramhana oblys ortalyǵynda alǵashqylardyń biri bolyp, «Ashyq» mobıldik qosymshasyna qosylyp otyr. Álemdi jaılaǵan indet bul meıramhananyń da jumysyna áser etti. Karantındik shekteýlerdiń saldarynan nysannyń jumys kestesi shektelip, kelýshiler azaıǵan edi. Endi mine, «Ashyq» mobıldik qosymshasyna qosylǵan meıramhana ıesi de, osynda nápaqasyn taýyp júrgen qyzmetshiler de dán rıza. Eń bastysy kelýshiler úshin qaýipsiz.
«Biz «Ashyq» mobıldik qosymshasymen pılottyq júıede jumys istedik. Bul joba pandemııa kezinde bıznesi turalap qalǵan kásipkerlerler úshin óte tıimdi. Osy joba arqyly jumysymyz qaıta jandana tústi. Buryndardy jáı kúnderi kelýshiler sanyn 30 adamnan asyrmaı, keshki saǵat keshki segizge ǵana deıin jumys istesek, demalys kúnderi meıramhana jabyq turatyn edi. Endi, «Ashyq» jobasy arqyly jumysymyz qaıta jandana tústi. Jáı kúnderi de, demalys kúnderi de túngi saǵat ekige deıin jumys isteımiz. Onyń ústine adam sany 50 adamǵa deıin ulǵaıtyldy. Klıentter men ózimizdiń qaýipsizdigimiz úshin osy joba tıimdi bolyp tur. Óıtkeni, karantın kezinde meıramhanaǵa kóp adam kele almady. ıAǵnı, epıdemıologııalyq jaǵdaıǵa baılanysty jumys jasaı almadyq»,- deıdi meıramhana ákimshisi Almas Rahmatýllın.
«Ashyq» jobasymen jumys istep jatqan nysanda sanıtarlyq talaptar saqtalǵan. Meıramhananyń kireberisine QR kod júıesi ornatylǵan. Kelýshilerdiń osy arqyly statýsy anyqtalady. PTR test tapsyrmaǵan jáne vırýs juqtyrmaǵandarǵa - kók tús, PTR test tapsyryp, teris nátıje kórsetken bolsa - jasyl janady. Al naýqastarmen baılanysta bolǵandarǵa - sary, koronavırýs juqtyrǵandarǵa - qyzyl tús shyǵady. Sary men qyzyl tús kórsetkender nysandarǵa kire almaıdy.
Al smartfonyna qosymshany júktemegen turǵyndarǵa mekeme qyzmetkerleri kómektesedi. ıAǵnı azamattyń jeke kýáligindegi jeke sáıkestendirý nómirin tekserý arqyly onyń mártebesin anyqtaı alady.