Ashyq-ty 4 mıllıonnan astam qazaqstandyq belsendi qoldanady
ALMATY. QazAqparat - Almatyda Ashyq jobasyna 2 332 nysan qatysýda. Bul týraly Óńirlik kommýnıkatsııalar qyzmetinde ótken brıfıngide Almaty qalasy ulttyq kásipkerler palatasy dırektorynyń quqyqtyq máseleler jónindegi orynbasary Saltanat Lesbaeva aıtty, dep habarlaıdy QazAqparat tilshisi.
Spıkerdiń aıtýynsha, Qazaqstan aýmaǵynda 10 932 bıznes sýbektisi Ashyq jobasyna tirkeldi. Sondaı-aq 524 kásipker ótinim bergen. Qosymshany 4 mln qazaqstandyq belsendi qoldanady. Onyń basym bóligi – Almaty turǵyndary. Sarapshylar kúnine shamamen 200 myń skanerleýdi esepteıdi.
«Búginde joba Qazaqstan boıynsha «qyzyl» mártebesi bar 5 088 jáne «sary» mártebesi bar 4 998 kelýshini anyqtady. Bul 3 maýsymdaǵy nátıjelermen salystyrǵanda 3 107 kelýshige kóp. Joba óz tıimdiligin kórsetti. Ásirese áýejaıdaǵy jumys ónimdi», – dedi Saltanat Lesbaeva.
Buǵan deıin, ol Nur-Sultan qalasynyń áýejaıynda «qyzyl» statýspen 252 jaǵdaı, Almaty áýejaıynda 171 adam tirkelgenin aıtqan bolatyn.
