Ashyq: ShQO-da «qyzyl» mártebesi bar turǵyndar HQO-ǵa kirmek bolǵan

ÓSKEMEN. QazAqparat – Shyǵys Qazaqstan oblysynda «qyzyl» mártebesi bar birneshe turǵyn HQO-ǵa kirmek bolǵan, dep habarlaıdy QazAqparat tilshisi.

QR Bas memlekettik sanıtar dárigeriniń qaýlysyna sáıkes, 14 maýsymnan bastap elimizdegi HQO-lar kelýshilerdi Ashyq qosymshasy arqyly qabyldap jatyr.

Teris nemese beıtarap mártebesi bar azamattar memlekettik qyzmetterdi kezeksiz ala alady.

Al «sary» nemese «qyzyl» mártebesi barlar ortalyqqa kirgizilmeıdi.

«Qazirgi ýaqytta Shyǵys Qazaqstandaǵy HQO-lar Ashyq qosymshasy arqyly jumys isteýde. Joba qosylǵannyń birinshi kúninde ǵana-aq qyzyl nemese sary mártebesi bar 20-dan astam adam anyqtaldy. Olarǵa memlekettik qyzmetter kórsetilmedi», - dep habarlady «Azamattarǵa arnalǵan úkimet» ShQOF baspasóz qyzmeti.

Esterińizge sala ketsek, osyǵan deıin Shyǵys Qazaqstan oblysyndaǵy 11 nysan Ashyq jobasynan shyǵarylǵanyn habarlaǵan bolatynbyz.