Ashyq: Reıske jiberilmegende qarajatty qaıtarý úshin qaıda habarlasý kerek

NUR-SULTAN. QazAqparat - Ashyq jobasyn iske asyrýdyń alǵashqy 7 kúninde Nursultan Nazarbaev halyqaralyq áýejaıynyń qyzmetkerleri «sary» mártebesi bar 36 jolaýshyny, «qyzyl» mártebesi bar 39 jolaýshyny anyqtady. Bul týraly QazAqparat áýejaıdyń baspasóz qyzmetine silteme jasap habarlaıdy.

Algorıtmge sáıkes, «qyzyl» mártebesi bar jolaýshylar jedel járdem kelgenge deıin oqshaýlanyp, sodan keıin aýrýhanaǵa jatqyzyldy.

2021 jylǵy 12 mamyrdan bastap Nursultan Nazarbaev halyqaralyq áýejaıynda Ashyq jobasy tolyqqandy iske qosyldy. Biz barlyq jolaýshylarǵa (ushyp shyǵatyn) áýejaıǵa kelmes buryn qosymshany júktep alyp, ózderiniń mártebesin tekserý kerek ekenin eskertkimiz keledi. Termınal ǵımaratyna «sary» jáne «qyzyl» mártebesi bar jolaýshylar jiberilmeıdi. Reıske jiberilmegen jaǵdaıda qarajatty qaıtarý jónindegi máselelerdi áýekompanııaǵa joldaǵan jón.

Ashyq qosymshasyndaǵy aqparat Densaýlyq saqtaý mınıstrliginiń jalpy bazasymen ıntegratsııa arqyly keledi jáne jolaýshynyń qazirgi ýaqytta vırýstyń tasymaldaýshysy bolyp tabylmaıtyndyǵyn anyqtaıdy.

Eske salsaq, buǵan deıin Azamattyq avıatsııa komıteti tóraǵasynyń orynbasary Ardaq Tólepovtiń aıtýynsha, Ashyq qosymshasy adamnyń mártebesin qyzyl tústi dep anyqtasa, jolaýshyǵa bılet quny tolyqtaı óteledi nemese qaıta brondaýǵa múmkindik beriledi. Al sary tústi mártebe anyqtalsa, áýe kompanııasy men jolaýshy arasyndaǵy áýe tasymalynyń sharty boıynsha tólem júrgiziledi.