Ashyq: Poıyzǵa mingizilmegen jolaýshylarǵa bılet qunynyń jartysy ǵana qaıtarylady

NUR-SULTAN. QazAqparat - Ashyq jobasynda jolaýshydan «Qyzyl» nemese «Sary» mártebesi shyǵyp, jol júrýge ruqsat berilmegen jaǵdaıda, oǵan bılet qunynyń 50%-y ǵana qaıtarylady. Bul týraly «Jolaýshylar tasymaly» AQ bas dırektorynyń marketıng jáne satý jónindegi orynbasary Vıktor Boshmann málim etti, dep habarlaıdy QazAqparat tilshisi.

«Ashyq jobasy jolaýshydan «qyzyl» nemese «sary» mártebesin anyqtap, jol júrýge jiberilmegen jaǵdaıda jolaýshyǵa poıyz bıleti qunynyń 50 paıyzy ǵana qaıtarylady. Biz bul máseleni áriptesterimizben jan-jaqty talqyladyq. Osy oraıda barlyq jolaýshylardan jolǵa shyǵar aldynda Ashyq qosymshasy arqyly mártebesin tekserip shyǵýyn suraımyz», - dedi V. Boshmann.

Buǵan deıin «Jolaýshylar tasymaly» AQ ókili jolaýshy Ashyq jobasynan ótpeı, poıyzǵa otyrǵyzýǵa jiberilmegen jaǵdaıda bıletti keri tapsyryp, onyń qunyn qalaı qaıtarýǵa bolatynyn túsindirip bergen edi.

Aıta keteıik, buǵan deıin elordadaǵy «Nurly jol» vokzalynda Ashyq jobasynyń jumys isteı bastaǵanyn habarlaǵan bolatynbyz.

Odan bólek, vokzaldaǵy jolaýshylardy shyǵaryp salýshylar men kútip alýshylarǵa qatysty túsinikteme berildi.