«Ashyq» mobıldi qosymshasyna qansha qarjy jumsaldy

NUR-SULTAN. QazAqparat – «Ashyq» mobıldi qosymshasyn ázirleýge bıýdjet qarajaty jumsalǵan joq. Bul týraly Tsıfrlyq damý, ınnovatsııa jáne aeroǵarysh ónerkásibi mınıstrligi tsıfrlyq sheshimder departamentiniń dırektory Bekbolat Moldabekov aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhaty barysynda ol «Ashyq» mobıldi qosymshasyn ázirleýge bıznes bastamashylyq jasaǵanyn, sondyqtan bıýdjetten eshqandaı qarajat shyǵyndalmaǵanyn basa atap ótti.

«Atameken» Ulttyq kásipkerler palatasy basqarmasy tóraǵasynyń orynbasary Narıman Ábilshaıyqov ta mobıldi qosymshany ázirleýge qarajat jumsalmaǵanyn aıtady.

«Jalpy, bul daqpyrtty seıiltý qajet. Tsıfrlandyrý ónimderiniń ózi qymbatqa túspeıdi. Bul otandyq óndirýshilerdiń ázirlemesi. Qazaqstandyq kompanııa «InfoQazaqstan» elektrondy platformasy men «Ashyq» mobıldi qosymshasyn ázirlep shyqty. Soǵan oraı bul bastamany júzege asyrý úshin memlekettik bıýdjetten qarajat jumsalǵan joq», - dedi Narıman Ábilshaıyqov.