Ashyq: «Qyzyl» mártebesi bar 32 almatylyqqa aıyppul salyndy
ALMATY. QazAqparat - Almatyda «qyzyl» mártebesi bar 32 almatylyqqa aıyppul salyndy. Bul týraly onlaın brıfıng barysynda sanıtarlyq-epıdemıologııalyq baqylaý departamentiniń basshysy Jandarbek Bekshın málim etti, dep habarlaıdy QazAqparat tilshisi.
«Búginde Ashyq júıesi juqtyrǵandardyń karantın rejımin saqtaý ári ınfektsııanyń taralýyna jol bermeý baqylaýda. 2021 jyly 9 sáýir men 8 shilde aralyǵynda qoǵamdyq tamaqtaný nysandarynda skanerleý kezinde «qyzyl» mártebesi bar 323 adam tirkeldi. Fıtnes, basseın oryndarynda – 164, kınoteatrda – 79, SOSO – 24, HQKO kelýshilerdiń arasynda – 21 adam anyqtaldy.Tártip buzýshylarǵa 10 maýsymnan bastap 32 adamǵa 30 AEK aıyppul salyndy», - dedi Jandarbek Bekshın.
Onyń aıtýynsha, tekserýshiler kásipkerlerge sanıtarlyq talaptardy eskere otyryp, túsindirme jumystaryn júrgizedi.
«Biz taǵy da qala azamattarynan koronavırýstyń taralýyna qarsy kúreste kómek kórsetýdi, vaktsınalaýdy jáne Ashyq júıesindegi nysandarǵa barý úshin mindetti túrde tirkeýden ótýdi suraımyz. Sondaı-aq koronavırýsqa oń test bolǵan jaǵdaıda áleýmettik jaýapkershilik tanytyp, qoǵamdyq oryndarǵa barmaýǵa shaqyramyz», – deıdi ol.
Sonymen qatar, ol kóp jaǵdaıda «qyzyl» mártebe tamaqtaný oryndaryna, fıtnes-ortalyqtarǵa, kınoteatrlarǵa jáne áýejaıǵa kelýshilerden anyqtalatynyn atap ótti.
