Ashyq qosymshasynda vaktsına alǵandar ne úshin kórsetilmedi

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstrligi «Ashyq» qosymshasynda vaktsına alǵandar mártebesi ne úshin kórsetilmeıtinin túsindirdi, dep habarlaıdy QazAqparat.

«Qazirgi ýaqytta «Ashyq» mobıldi qosymshasynda vaktsına alǵandar kórsetilmeıdi. Integratsııa jumysyn 1 shildege deıin aıaqtaýdy josparlap otyrmyz», - dedi QR DSM Elektrondyq densaýlyq saqtaýdy damytý departamentiniń dırektory Beıbit Esenbaev Ortalyq kommýnıkatsııalar qyzmetinde ótken baspasóz máslıhatynda.

Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov vaktsına alǵan azamattar boıynsha ıntegratsııany nege buryn qarastyrmaǵanyn túsindirdi.

«Bastapqyda pılottyq joba vaktsına alǵandardyń mártebesi máselesin qarastyrǵan joq, óıtkeni Densaýlyq saqtaý mınıstrligi bul máseleni uzaq ýaqyt pysyqtady jáne bul basqa jumys baǵyty boldy. Biz «Ashyq» jobasynda turǵyndar tapsyratyn PTR testi bazasyna kóbirek nazar aýdardyq jáne bul mehanızm pysyqtaldy. Vaktsına alǵandar sany kóbeıgen soń, árıne, olardyń mártebesin belgileý máselesi týyndady. Osyǵan sáıkes, alda ıntegratsııalyq jumystar júrgizemiz», - dedi Áset Turysov.

Aıta keteıik, «Ashyq» qosymshasy bóten JSN engizýden qorǵaý maqsatynda Egov júıesindegi azamattardyń mobıldi bazasymen biriktirildi . Turǵyndar Egov mobile qosymshasyn júktep, osy qosymshamen sáıkestendirýi qajet.

Buǵan deıin Áset Turysov «Ashyq» qosymshasyndaǵy aqaýlar úshin keshirim surady.