Ashyq qosymshasynda adamǵa belgilengen mártebe qansha ýaqyt saqtalady
ALMATY. QazAqparat - Ashyq qosymshasynda adamǵa belgilengen mártebe 14 kún boıy saqtalady. Ol tek eki aptadan soń ózgerýi múmkin. Bul týraly onlaın brıfıng Almaty qalasy bas sanıtarlyq dárigeriniń orynbasary Sadýaqas Baıǵabylov aıtty, dep habarlaıdy QazAqparat tilshisi.
«Qyzyl» mártebesi barlardan bul belgi 14 kúnnen keıin alynyp tastalady jáne avtomatty túrde «sary» kúıge aýysady. Eger naýqas adammen baılanysy bolsa, onda «sary» belgisimen rastalady. Eger 14 kúnniń ishinde olar aýyrmasa, onda sáıkesinshe, «kókke» ótedi. Ár turǵyn óziniń mártebesi týraly biletin bolady. Eger ol aýyrsa, onda oǵan «qyzyl» belgi beriledi. Eger úıde nemese jumysta naýqas adammen baılanysta bolǵan bolsa, onyń «sary» belgisi bolady», - dedi ol.
Sadýaqas Baıǵabylovtyń aıtýynsha, Ashyq júıesi júmys istep tur. Sonymen qatar, óz nátıjesin berýde.
Eske salaıyq, qyzyl – ambýlatorııalyq baqylaýdaǵy adamdarǵa berilip, úıde oqshaýlanýy qajet ekenin kórsetedi. Sary – qozǵalysty ishinara shekteý, ıaǵnı patsıentke úıden oqshaýlaý rejımin saqtaıtyn jerden 500 metrden aspaıtyn azyq-túlik jáne sharýashylyq dúkenderge, dárihanalarǵa barýǵa ruqsat etiledi. Kók – PTR mindetti bolatyn oryndardan basqa (mysaly, áýejaıda) qozǵalysqa eshqandaı shekteýler joq. Jasyl – qozǵalysta eshqandaı shekteýler joqtyǵyn bildiredi.
