Ashyq qosymshasynan bas tartqan astanalyq áýejaı qyzmetkerine qol kóterdi
NUR-SULTAN. QazAqparat – Nursultan Nazarbaev halyqaralyq áýejaıynda Ashyq qosymshasyna qatysty keleńsiz oqıǵa boldy. Muny áýejaıdyń baspasóz hatshysy Anýar Shalekenov QazAqparat tilshisine rastady.
Onyń sózine qaraǵanda, oqıǵa 19 mamyrda bolǵan. Belgisiz turǵyn áýejaı ǵımaratyna Ashyq júıesi arqyly kirýden bas tartyp, janjal shyǵarǵan.
«Ol Ashyq júıesin aınalyp ótýge tyrysqan kezde avıatsııalyq qaýipsizdik qyzmetkeri toqtatqan. Nysanǵa maskasyz kirgen er adam qyzmetkerge dene jaraqatyn saldy. Áýejaı qyzmetkerleri polıtsııa bólimine júgindi. Kóp uzamaı tártip buzýshy tabyldy», - deıdi Anýar Shalekenov.
Endi astanalyq turǵyn osy áreketi úshin ákimshilik jaýapqa tartylýy múmkin.
«Túsinbeýshilik pen keleńsiz jaılardy boldyrmaý úshin qosymshany aldyn ala júktep alyp, óz mártebeńizdi Nursultan Nazarbaev áýejaıynyń saıtyndaǵy QR-kod arqyly bilýińizdi suraımyz. «Qyzyl» nemese «sary» tústi mártebesi bar kelýshiler áýejaıǵa kirgizilmeıtinin taǵy da eske salamyn», - dedi áýejaıdyń baspasóz hatshysy.
Buǵan deıin habarlaǵanymyzdaı, Ashyq júıesi arqyly elorda áýejaıynda 50-ge jýyq jolaýshy termınaldan keri qaıtarylǵan bolatyn.
