«ASHYQ» qosymshasyn 125 myń qoldanýshy telefonyna júktegen
ALMATY. QazAqparat - Almaty qalasy Kásipkerler palatasynyń dırektory Aıtýar Qoshmambetov onlaın brıfıng barysynda «Ashyq» pılottyq jobasyna qatysýǵa ótinim berý tártibin túsindirdi, dep habarlaıdy QazAqparat tilshisi.
«6 sáýirdegi jaǵdaı boıynsha «ASHYQ» qosymshasyn 125 000 qoldanýshy óz smartfondaryna júktep alǵan, obektilerge barlyǵy 374 QR kod berildi, onyń ishinde Nur-Sultan qalasy boıynsha jobaǵa qatysýshylardyń sany – 91, Qaraǵandy boıynsha – 39. Al, Almaty ákimdigi saıtynda jarııalanǵan tizimde pılottyq jobaǵa qatysýshylar sany – 264, bir qatysýshynyń ótinimi óńdelýde jáne 92 qatysýshy QR kodyn alý satysynda»,-dedi Aıtýar Qoshmambetov.
5 sáýirdegi derekter boıynsha qalada pılottyq jobanyń arqasynda Almatyda qyzyl jáne sary mártebesi bar 19 kelýshi anyqtalǵan. Jalpy, 17 qańtardan 5 sáýirge deıin respýblıka boıynsha qyzyl mártebesi bar 273 azamat anyqtaldy, ıaǵnı jobaǵa qatysýshy Almaty, Nur-Sultan, Qaraǵandy qalalary boıynsha.
Atameken» Ulttyq kásipkerler palatasy Úkimettiń kezekti otyrysynda QR Bas memlekettik sanıtarlyq dárigeriniń qaýlysyna pılottyq jobaǵa qatysýshylardy engizý jáne jobadan shyǵarý tártibin qosýdy usynǵan. Qazirgi tańda jobaǵa qatysýshylardy engizý jáne shyǵarý boıynsha algorıtmder bekitý satysynda.
«Ashyq» jobasyna fıtnes-klýbtar, spa-ortalyqtar, saýnalar, basseınder, kompıýterlik klýbtar, boýlıng klýbtar qatysa alady. Oǵan qatysý úshin Almaty qalasynyń Kásipkerler palatasy ıAndeks platformasyndaǵy nysandy toltyrý arqyly ótinim bere alady. Ótinim berýge arnalǵan siltemeni «Bıznes shtab Almaty» telegramm-arnasynan tabýǵa bolady»,- dep túsindirdi spıker.
