Ashyq qosymshasy vaktsına pasportymen qalaı biriktirilmek
«Eger siz PTR test tapsyrsańyz úsh kúnnen soń «jasyl» mártebe shyǵady. Bul Densaýlyq saqtaý mınıstrligi men memlekettik bas sanıtar dárigerdiń usynǵan algorıtmi. Vaktsınaǵa kelsek, búginde tehnıkalyq jumys óz máresine jetip qaldy, jýyrda daıyn bolady. Ózderińiz biletindeı, densaýlyq saqtaý mınıstri 1 shildeden bastap tolyqaı kóshetini týraly aıtty. Biz tehnıkalyq turǵydan ázir bolǵandyqtan ýaqytty sozbaı iske qosýdy usynǵymyz keledi», - dedi QR Tsıfrlyq damý, ınnovatsııalar jáne aeroǵarysh ónerkásibi mınıstrligi Tsıfrlyq sheshimder departamentiniń dırektory Bolatbek Moldabekov.
Buǵan deıin atalǵan departament basshysy, el kóleminde 2,5 myńnan astam adamnan Ashyq qosymshasy arqyly «qyzyl» mártebe anyqtalǵanyn málim etken bolatyn.
Sondaı-aq, mınıstrlik ókili Ashyq qosymshasynda oryn alǵan tehnıkalyq aqaýdyń sebebin túsindirip, endigi ýaqytta atalǵan júıe qyzmetiniń «Ulttyq aqparattyq tehnologııalar» AQ-na berilgenin aıtty.