Ashyq qosymshasy úshin elorda áýejaıynda janjal shyǵarǵan aıypty sotqa berilmek
NUR-SULTAN. QazAqparat – Keshe Nursultan Nazarbaev halyqaralyq áýejaıynda Ashyq qosymshasyna qatysty oryn alǵan keleńsiz oqıǵaǵa qatysty áýejaı basshylyǵy túsinikteme berdi, dep habarlaıdy QazAqparat tilshisi.
«Qazirgi ýaqytta keleńsiz jaǵdaıdyń mán-jaıy anyqtalyp jatyr. Belgilisi, jolaýshy Ashyq qosymshasy arqyly tekserýden ótýin talap etken áýejaı qyzmetkeriniń ótinishine dórekelik tanytqan. ıAǵnı eskertýdi elemegen jolaýshy áýejaı qyzmetkerine qarsy qol jumsady. Oqıǵa ornynan izin sýytqan jolaýshyǵa biz óz tarapymyzdan izdeý saldyq. Endigi áreket aıyptyny taýyp, sotqa berip, jolaýshyny ákimshilik jaýapqa tartatyn bolamyz, - dedi Nursultan Nazarbaev halyqaralyq áýejaıynyń atqarýshy dırektory Dáýlet Hamzın tilshilerge bergen suhbatynda.
Onyń aıtýynsha, áýejaı qyzmetkeri aýyr zardap shekpegen, tek jeńil dene jaraqatyn alǵan.
«Bul jerde qyzmetker óz mindetin oryndady. Beınebaqylaý arqyly biz daýysty ajyrata almaımyz, biraq áreketke qarap áriptesimizdiń óz mindetin tıisinshe atqaryp, máseleni kıkiljińsiz sheshýge tyrysqany baıqalady», - deıdi ol.
Aıta ketsek , buǵan deıin Ashyq qosymshasynan bas tartqan jolaýshynyń astanalyq áýejaı qyzmetkerine qol kótergeni týraly habarlaǵan bolatynbyz.
