Ashyq qosymshasy qashan qaıta iske qosylýy múmkin

ASTANA. QazAqparat – Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Esmaǵambetova Ashyq qosymshasynyń jumysyna qatysty túsinik berdi, dep habarlaıdy QazAqparat tilshisi.

«Bir jarym jyl ishinde barlyq shekteýler alynyp tastaldy. Sondyqtan Ashyq baǵdarlamasy qoldanylyp jatqan joq», - dedi A. Esmaǵambetova Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, klımattyń ózgerýi jáne basqa da faktorlar jańa aýrý qozdyrǵyshtarynyń paıda bolýyna yqpal etýi múmkin. Álemde nemese elimizde indettiń taralý qaýpi bolsa, Ashyq sııaqty baǵdarlamany qaıtadan iske qosý múmkindigi qarastyrylýy yqtımal.

Buǵan deıin vıtse-mınıstr «Álemde koronavırýstyń jańa shtamynyń taralýyna baılanysty Qazaqstanda karantın sharalary engizilýi múmkin be?» degen suraqqa jaýap bergen bolatyn.