Ashyq qosymshasy: «Astana Arenadaǵy» fýtbol matchynda bir «sary» mártebe anyqtaldy
«Nur-Sultan jáne Almaty áýejaılary «Ashyq» boıynsha jumys istep jatyr. Indýstrııa jáne ınfraqurylymdyq damý mınıstrliginiń Azamattyq avıatsııa komıtetimen, kóliktegi sanıtarlyq dárigermen jáne Tsıfrlyq damý mınıstrligimen birlesip aralap shyqtyq, barlyǵy jumys istep tur. Kezek joq. Osy qurylǵan protsester mysalynda «Ashyq» jobasynyń basqa nysandarda da taralý múmkindigi bar», - dedi ıÝ. ıAkýpbaeva Ortalyq kommýnıkatsııalar qyzmetinde ótken brıfıngte.
Atap aıtqanda, «Astana-Arena» stadıonynda match ótti. Bul karantınnen keıingi alǵashqy aýqymdy shara, bir stadıonǵa 6 myń adam jınalǵan. Olardy eki saǵat boıy kirgizgen jáne bir «sary» mártebe anyqtalǵan.
«Azamattardyń ótý protsesin tolyǵymen teńestire alsaq, bul tájirıbeni basqa arenalarǵa da tarata alamyz jáne kelýshilerdi 20-dan 30 paıyzǵa deıin arttyra alamyz dep úmittenemiz», - dep atap ótti ıÝ. ıAkýpbaeva.
Eske sala ketsek, keshe elordadaǵy «Astana-Arena» stadıonynda jergilikti «Astana» jáne almatylyq «Qaırat» arasynda oıyn ótti . Qalanyń bas sanıtarlyq dárigeriniń sheshimimen oıynǵa «Ashyq» qosymshasy arqyly stadıon syıymdylyǵy 20% aspaıtyn kórermenderdiń bolýyna ruqsat etildi.
