«Ashyq-qa kirý ońaıyraq bola tústi» – Qaraǵandy oblysy Kásipkerler palatasynyń basshysy
Ashyq jobasynyń damýy jáne onyń artyqshylyqtary týraly Óńirlik kommýnıkatsııalar qyzmetiniń platformasynda ótken brıfıngte aıtyldy.
«Ashyq jobasynda Qaraǵandy oblysynda 9 338 bıznes nysany tirkelgen. Olardyń myńnan astamy erikti qatysýshylar. Qosymshaǵa oblystyń bas memlekettik sanıtarlyq dárigeriniń qaýlysy boıynsha qosymshasyz jumys isteı alsa da, birneshe azyq-túlik sýpermarketteri qosyldy», – dep habarlady Óńirlik kásipkerler palatasynyń dırektory Ernar Kúlpeıisov.
Qaraǵandy oblysy qazir «qara-qyzyl» aımaqqa jatqyzylǵanyn eskere ketsek, joba qatysýshylarynyń jumys isteý múmkindigi týyndaıdy, dep atap ótti ol. Ashyq kóshbasshylary tipti jumys ýaqytyn qosymsha eki saǵatqa soza alady jáne nysannyń toltyrylýy 10% artady.
Palata basshysynyń aıtýynsha, jobaǵa qosylý rásimi qoljetimdirek bola tústi.
«Ulttyq Kásipkerler Palatasy tsıfrlyq damý mınıstrligimen birlesip, InfoKazakhstan.kz saıtynda QR-kodtardy alý rásimin jeńildetti. Sanıtarlyq dárigerlermen jáne «Atameken» óńirlik ókildikterimen kelisý talaby protsesten alynyp tastaldy. Ótinim bergen sátten bastap jobaǵa tolyqqandy kirgenge deıin kásipkerge eki kún qajet. Osydan keıin mekeme jeti kún boıy test rejıminde jumys isteıdi. Jobaǵa qosylý rásimi qoljetimdirek bola tústi», – dep túsindirdi Ernar Kúlpeıisov.
Oblysta QR-kodtardy resimdeýge kómek kórsetý pýnktteri jumys isteıdi. Olardy qıyndyqtarǵa tap bolǵan kásipkerler paıdalana alady.
Kásipkerlik basqarmasynyń basshysy Tatıana Ablaevanyń pikirinshe, Ashyq jobasy áý bastan-aq tıimdi ekenin kórsetti.
«Bul baǵdarlama súzgi retinde qyzmet etedi, onyń maqsaty – qolaıly sanıtarlyq-epıdemıologııalyq jaǵdaı jasaý jáne juqtyrǵan nemese baılanysta bolǵan adamdardy qoǵamdyq oryndarǵa jibermeý. Pılottyq jobanyń basynda naýryz aıynda birinshi bolyp tamaqtaný nysandary boldy. 50 qatysýshydan bastaldy. Al shilde aıynda bes ese ósim boldy», – dep atap ótti Tatıana Ablaeva.
Onyń aıtýynsha, oblysta 71 qatysýshy Ashyq kóshbasshylary bolyp tanyldy. Mártebe kelýshilerdiń sanyna baılanysty beriledi.
Sonymen qatar, QR-kodty skanerleýsiz obektilerge kelýshilerdi kirgizetin kásipkerler jobadan ýaqytsha shyǵyp qalý qaýpi tónedi.
Ashyq-qa qosylý boıynsha suraqtarmen UKP Sall-ortalyǵyna 1432 nómiri boıynsha habarlasýǵa bolady.
