Ashyq: Aýtsaıder kásipkerler sany 3,8 myńdy qurady

NUR-SULTAN. QazAqparat – «Ashyq» talaptaryna baǵynbaǵan sýbektiler jobadan ýaqytsha shyǵarylady. Bul týraly búgin Úkimet otyrysynda «Atameken» Ulttyq kásipkerler palatasy basqarma tóraǵasynyń birinshi orynbasary Narıman Ábilshaıyqov aıtty, dep habarlaıdy QazAqparat tilshisi.

«Ótken eki aptanyń nátıjesi boıynsha chekınderdiń «nóldik» sany bar aýtsaıderler sany 3,8 myń bıznes sýbektilerin qurady, «-20» chekınderi bar aýtsaıderler sany 6,2 myńǵa jetti. Olar QR alǵanymen, kelýshilerdi tirkemegender. Vedomstvoaralyq komıssııa sheshimimen «Ashyq» jobasynyń talaptaryna baǵynbaǵan sýbektiler monıtorıngilik toptardyń tekserýinsiz-aq jobadan shyǵarylady. Osylaısha, 10 myńnan asa bıznes sýbektileri jobadan ýaqytsha alynyp tastalady», - dedi Narıman Ábilshaıyqov.

Onyń atap ótýinshe, QR Bas memlekettik sanıtarlyq dárigeriniń qaýlysyna sáıkes, aýtsaıderler alǵashqy kezde 1 aptaǵa, qaıtalanǵan jaǵdaıda 2 aptaǵa jáne 3-shi buzýshylyq anyqtalǵan jaǵdaıda 1 aı merzimge jobadan shyǵarylady.

«Bul talap kásipkerler jobaǵa qaıta kirgen kezde kelýshilerdi shynaıy túrde tirkeýge baǵyttaıdy», - dedi ol.