Ashyq: Atyraýda ilki jobaǵa 184 kásipkerlik nysany qosyldy

ATYRAÝ. QazAqparat – Atyraý oblysynda «Ashyq» pılottyq jobasyna 184 kásipkerlik nysany qosyldy, dep habarlaıdy QazAqparat.

Oblystyń bas memlekettik sanıtar dárigeriniń orynbasary Gúlnaz Erbatyrovanyń aıtýynsha, Atyraýda «Ashyq» pılottyq jobasyn iske asyrý 26 sáýirde bastalǵan.

«Qazir óńirde 225 kásipkerlik nysanynyń ıesi jobaǵa qosylýǵa nıet bildirdi. Al, 184 nysan QR-kodpen jumys isteýdi bastady. Onyń ishinde 34 nysanda synaq rejıminde qoldanylýda. Kásipkerler pılottyq jobaǵa qosylý úshin «Atameken» UKP óńirlik fılılalyna habarlasyp otyr» -deıdi Gúlnaz Erbatyrova.

Eske sala ketelik, budan buryn Atyraý oblysynda «Ashyq» jobasymen qandaı nysandar ashylatynyn habarlaǵan edik.