Ashyq: Almatyda «qyzyl», «sary» mártebe qaı jerde jıi anyqtalady
Saltanat Lesbaevanyń sózinshe, Ashyq qosymshasy negizinen qatysýshynyń «kók» mártebesin anyqtaıdy degen pikir qate. Kerisinshe, megapolıste skanerleý kezinde «qyzyl» mártebe 670, al «sary» mártebe 178 adamda bar ekeni rastaldy.
«Temir jol vokzaldary men áýejaı «qyzyl» men «sary» mártebesi bar qala turǵyndaryn anyqtaý boıynsha kóshbasshy. Almaty temir jol vokzaldary jobaǵa 21 maýsymnan bastap engizildi. Osy qysqa ýaqyt ishinde birneshe adamnan « qyzyl» statýs anyqtaldy», – dedi Saltanat Lesbaeva.
Sonymen qatar, ol Almatynyń 8 turǵyny osyndaı buzýshylyqtar úshin ákimshilik jaýapqa tartylǵanyn atap ótti.
«Budan basqa, Ashyq qosymshasymen qatar «Aitu», «Egov mobile» qosymshalary jáne Kaspi men «Halyq bank» arqyly eki bankte tekserýge bolady. Bul azamattarǵa yńǵaıly bolý úshin jasalǵan. Mártebesin bilý úshin JSN engizý jetkilikti. Bul ınfektsııa juqtyrý qaýpin azaıtý úshin jasaldy. Eger jobaǵa qatysýshylar ózderine alǵan mindettemelerdi saqtamasa, olardy alyp tastaıdy. Jáne eki aıǵa deıingi merzimge jumys isteý múmkindiginen aıyrady. Búginde Almatyda Ashyq jobasynan 39 qatysýshy shyǵaryldy, olar kelýshiler men óz qyzmetkerlerin skanerlemegen», – dedi spıker.
Onyń aıtýynsha, Almatyda belgilengen shekteýlerge baılanysty joba aıasynda jumys isteýge nıet bildirýshiler kóp. Búgin taǵy da 10 kásipker ótinim berdi. Negizinen Ashyq boıynsha qoǵamdyq tamaqtaný oryndary, fıtnes ortalyqtar, kompıýterlik klýbtar, monshalar men kınoteatrlar jumys isteıdi.
Barlyǵy 2332 qatysýshy bar. Testilik rejımde 148 bıznes sýbektisi jumys isteıdi.
«Qazirgi ýaqytta sanıtarlyq-epıdemıologııalyq baqylaý departamentimen jáne ázirleýshilermen birlesip jobaǵa qatysýshylardyń tizimin keńeıtý máselesi qarastyrylýda. Jaqyn arada jobada joq saýda-oıyn-saýyq ortalyqtary, saýda úıleri, azyq-túlik emes bazarlar men ashanalar jeńildiktermen jumys isteı alady»,- dedi ol.