Ashyq: Aqtóbede 14 adamnan «qyzyl», «sary» mártebe anyqtaldy
AQTÓBE. QazAqparat - Aqtóbede 10-17-maýsym aralyǵynda «Ashyq» jobasyna qatysýshylardan «qyzyl» mártebesi bar 3 jáne «sary» mártebesi bar 11 adam anyqtaldy, dep habarlaıdy QazAqparat tilshisi.
Baǵdarlama engizilgennen bastap óńirdegi «Ashyq» jobasyna qatysatyn nysandarda «sary» mártebesi bar 73 adam jáne «qyzyl» mártebesi bar 22 adam anyqtalǵan.
«Al 10-17-maýsym aralyǵynda «qyzyl» mártebesi bar 3 jáne «sary» mártebesi bar 11 adam anyqtaldy. Búgingi kúni, «Ashyq» jobasynan basqa Aitu jáne Kaspi.kz. platformalaryn da qoldanýǵa bolady. «Ashyq» jobasyn engizýdiń negizgi maqsaty – koronavırýs ınfektsııasynyń aldyn alý, ıaǵnı, aýrý juqtyrǵan nemese baılanysta bolǵan adamdardyń qoǵamdyq oryndarǵa barý jaǵdaılaryn boldyrmaý»,- dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.
«Ashyq» jobasy Aqtóbe oblysynyń aýmaǵynda 14 sáýirden bastap jumys istep keledi. Aqtóbe oblysynyń 512 kásipkeri «Ashyq» jobasyna qatysýǵa ótinish berip, olardyń 378-ne QR-kodtary júktelgen. Oǵan qosa 134 nysan testileý rejıminde jumys istep jatyr.
