«Ashyq júrek» jobasy aıasynda volonterler grant ala alady
«Men volonter emespin, biraq aýladaǵy jastarǵa fýtboldan jattyqtyrýshy bola alam» degen sııaqty usynysy, bastamasy bar adamdar úshin elimizdiń 17 aımaǵyna 300 myń teńgeden 56 grant bólingen. Al «Men volontermin, volonterlik uıymnyń múshesimin jáne osy salada ǵana jumys isteımin» degen qatysýshylarǵa 42 grant bólingen. «Ashyq júrek» jobasy boıynsha liga.org.kz degen jańa platforma ashylady. Ol jerde men aıtyp ótken granttar boıynsha ótinish qaldyrýǵa bolady. Men jastardy osy jobaǵa qatysýǵa shaqyramyn», - deıdi Qazaqstan volonterler lıgasy úılestirý keńesiniń múshesi Ázız Kajdenbek.
Ol Qazaqstan volonterleri lıgasy 2013 jyly ashylǵan kezde 5 adam ǵana múshe bolǵanyn aıtty.
«Biz kúnderdiń bir kúni respýblıkalyq deńgeıdegi uıym bolamyz dep oılaǵan joqpyz. Bastapqyda lıganyń 5 múshesi bolsa, qazirgi ýaqytta qatarymyz 7 myńnan asyp ketti. Osy jyldyń sońyna deıin bizdiń uıymnyń quramyndaǵy volonterler sany 20 myńnan asady dep josparlap otyrmyz», - deıdi Azız Kajdenbek.
Eske sala ketsek, elimizde jastar arasynda volonterlik brendin tanymal etý maqsatynda «Ashyq júrek» jobasy bastaldy.
