Ashyq sýda júzýden álem kýbogy kezeńinde el namysyn 4 sportshy qorǵaıdy
ASTANA. QazAqparat - 9 qarasha kúni Ábý-Dabıde ashyq sýda júzýden alaýy tutanatyn álem kýbogyna qatysatyn qazaqstandyq sportshylar belgili boldy, dep habarlaıdy QazAqparat tilshisi.
QR Ulttyq olımpıada komıteti baspasóz qyzmetiniń habarlaýynsha, atalǵan dodaǵa álemniń 40 memleketinen 200-ge tarta sportshy qatysady dep kútilýde.
Olardyń qatarynda álem jáne Olımpıada chempıondary da bar.
Kýboktik dodada Qazaqsan namysyn Vıtalıı Hýdıakov, Kenesary Kenenbaev, Lev Cherepanov jáne Ǵalymjan Balabek qorǵaıdy. Olar 10 shaqyrymdyq jarysta baq synaıdy.
