Ashyq dıalog: Saran qalasynyń ákimi jańa formatta eseptik kezdesý ótkizdi

SARAN. QazAqparat – Qaraǵandy oblysy Saran qalasynyń ákimi Erjan Temirhanovtyń esep berý kezdesýi resmı baıandamalarsyz, trıbýnadan sóılemeı jáne statıstıkalyq derekterdi qaǵaz arqyly oqymaı, erekshe ótti. Qalanyń odan ári damýy týraly ashyq jáne túsinikti dıalog boldy, dep habarlaıdy QazAqparat tilshisi.

Kezdesý alańy retinde jańa sport maneji tańdaldy. Saran qalasynyń turǵyndary balalarmen birge kele aldy. Olar úshin boıaýlar, qaryndashtar men teksheleri bar arnaıy aımaq uıymlastyryldy. Múmkindigi shekteýli adamdarǵa qozǵalys erkindigi men qoljetimdiligi qamtamasyz etildi. Medıtsınalyq pýnkt jumys istedi.

Áńgimege turǵyndar qashyqtyqtan da qatysa aldy. Áleýmettik jelilerde jáne Aitube.kz platformasynda tikeleı efır ótti.

Áńgime men pikir almasýda árkim ózin tolǵandyrǵan máseleni kótere aldy. Turǵyn úı alý, joldardy jóndeý, ortalyq jylý kózine qosylý, kóppáterli úılerdi basqarýdyń jańa nysany - qarapaıym serikestik (QS) jáne múlik ıeleriniń birlestigine (MIB) kóshý, gazǵa qosylý jáne tarıfter máseleleri talqylandy.

Yńǵaıly bolý úshin munda jeke «bólimder» quryldy. Turǵyndar birden mamandarǵa júginip, negizgi strategııalyq baǵyttar boıynsha jaýap ala aldy. Mysaly qurylys (nysandar, páter kezegi), kommýnaldyq sharýashylyq (jylý, sý jáne elektrmen jabdyqtaý, joldar, aýlalar, saıabaqtar), áleýmettik máseleler (densaýlyq saqtaý, bilim berý qyzmetteri, áleýmettik tólemder belgileý), bıznesti damytý.

Uıymdastyrýshylardyń aıtýynsha, 350-den astam adam ózderi úshin jáne qala úshin mańyzdy máselelerdi talqylaýǵa keldi. Taǵy úsh myń adam jelige qosyldy.

Osyndaı formattaǵy kezdesýler turaqty negizde ótkiziletin bolady.