Ashyq aqparatty jasyrǵan memlekettik qyzmetshiler jazalanady
ASTANA. QazAqparat - «Qyzmettik qoldanysqa arnalǵan» degen jeleýmen ashyq aqparatty jasyrǵan memlekettik qyzmetshiler jazalanady. Bul týraly búgin Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty Máýlen Áshimbaev málim etti.
Baspasóz máslıhaty kezinde jýrnalıster memlekettik organdar «qyzmettik qoldanysqa arnalǵan» degen jeleýmen qajetti aqparatty bermeıtin sátter kóp bolatyndyǵyn, osylaısha halyq memlekettik bıliktiń jumysyna qatysty aqparattan maqurum qalyp jatqandyǵyn aıtyp shaǵymdandy. Óz sózinde M.Áshimbaev ondaı faktilerdiń baryn jasyrǵan joq.
«Ákimshilik quqyqbuzýshylyqtar týraly Kodekste arnaıy norma bar, ol boıynsha eger laýazymdy tulǵalar «qyzmettik qoldanysqa arnalǵan» degen jeleýmen «Aqparattyń qoljetimdiligi týraly» zańnyń tiziminde bar ashyq aqparatty bermeıtin bolsa, ondaı laýazym ıelerin jazaǵa tartýǵa bolady», - dedi depýtat.
