Ashyq ákimdik: Smart Astana 11 joba ázirleýde
ASTANA. QazAqparat - Elorda turǵyndarynyń qamy úshin 11 joba ázirlenbek. Astana ákimdiginde Smart Astana tujyrymdamasy sheńberinde baǵdarlamalardy iske asyrý máseleleri talqylandy, dep habarlaıdy astana.gov.kz.
Smart Astana - elordany «jahandyq aqyldy qalaǵa» transformatsııalaýǵa baǵyttalǵan tujyrymdama, ol qala ómiriniń barlyq salalaryn qamtıdy. Qazir mańyzdy baǵyttar boıynsha ákimdiktiń salalyq basqarmalarymen birlese otyryp «Astana Innovations» AQ jumystar júrgizýde.
Jobalardyń barlyǵy qalalyq qyzmetter men kommýnaldyq kásiporyndardyń qyzmet kórsetý deńgeıin arttyrýǵa, ákimdiktiń ashyqtyǵyn, ıaǵnı, bılik pen turǵyndar arasynda ashyq dıalog qurýǵa, elorda turǵyndary úshin qolaıly jaǵdaı qalyptastyrýǵa, qalanyń qaýipsizdigin kúsheıtýge baǵdarlanǵan.
Jobalardy qarjylandyrý memlekettik-jeke menshik áriptestik nemese jeke ınvestıtsııalar esebinen júrgizilmek. Olardyń deni - otandyq kompanııalar.
