Ashyǵý arqyly túrli aýrýdyń aldyn alýǵa bolady - AQSh ǵalymdary
ASTANA. QazAqparat - Ashyǵý organızmdi saqtaýǵa kómektesedi degen pikir ǵalymdar arasynda kóp jyldar boıy talqylanyp kelgen. Endi bul teorııaǵa ǵylymı dálelder tabyldy, dep jazady sheteldik BAQ.
Jýyrda Ońtústik Kalıfornııa Ýnıversıtetiniń ǵalymdary osy taqyrypta ǵylymı-zertteý jumystaryn jasady. Nátıjesinde olar ashyǵý ımmýndyq júıeniń jańarýy ekeni dáleldendi. Ǵalymdar jarty jyl boıy tyshqandarǵa tájirıbe júrgizgen. Olardy 4 kún tamaqsyz qaldyrǵanda leıkotsıtter kólemi azaıyp, qaıta tamaqtandyrǵanda ımmýndy jasýshalar deńgeıi kóterilgeni anyqtalady.
Osydan keıin AQSh ǵalymdary azdaǵan ýaqyt tamaq ishpeý paıdaly degen qorytyndy shyǵardy. Óıtkeni, ashyǵý kezinde eski jasýshalar ólip, jańalary qalyptasady. Osylaısha, túrli aýrýlardyń aldyn alýǵa bolady, delingen zertteý maqalada. Qatty sýyq tıgende adamnyń tamaqtanǵysy kelmeıtindigi osydan. Sebebi, organızmniń qorǵaýshy reaktsııasy paıda bolyp, jańa jasýshalar qalyptasady. Bul tájirıbe qaterli isik, gepatıt, JITS aýrýlaryna shaldyqqandarǵa da paıdaly.
