Ashýǵa býlyqqan jigit múgedek arbadan turyp ketti
ASTANA. QazAqparat - Frantsııanyń Vılnev-Tolozan qalasynyń turǵyny dosyna qatty ashýlanǵandyqtan múgedek arbasynan ózdigimen turyp ketken, dep jazady 20 Minutes.
Arbaǵa tańylǵan jigit dosynyń úıinde ınternetke qosýǵa baılanysty kıkiljińge kelip qalǵan. Ashýǵa qatty berilgen arbada otyrǵan jigit ornynan turyp, qasynda jatqan baltany alyp, dosyn qýa jónelgen. Dosy múgedek jigitten avtobýsqa otyryp jan saýǵalaǵan.
Keshke qaraı múgedek dosynan qashqan jigit óz úıine oralǵan. Túnniń ortasynda múgedek jigit qaıtyp kelip, onyń qaıtadan mazasyn alǵan. Alaıda oqıǵa ornyna polıtsııa jetip, jaǵdaı retteldi.
Aıta keteıik, jigittiń múgedek arbasynan qalaı turyp ketkendigin eshkim túsindirip bere almaǵan. Tek onyń esirtki zatyn paıdalanǵandyǵy anyqtaldy.
