Ashý býǵan ákesi on jasar qyzyn shól dalaǵa tastap ketken
ASTANA. QazAqparat - 28 jastaǵy amerıkalyq Krıstofer Votson óziniń 10 jasar qyzyn araryndaǵy urys-keristen soń sýsyz, tamaqsyz shól dalaǵa tastap ketken.
BAQ-tardyń derekteri boıynsha, janjal qyzdyń ákesiniń qalamyn alyp, biraq ornyna qaıta qoımaǵandyǵynan shyqqan. Bul er adamdy yzalandyrǵany sonshama, ol qyzyn mashınaǵy otyrǵyzyp shól dalaǵa alyp kelgen de jalǵyz ózin tamaqsyz ári sýsyz tastap ketken.
Saldarynan oqýshy qyz aptap ystyqtyń astynda qalǵan. Abyroı bolǵanda, osy mańda avtomobılimen ótip bara jatqan áıel shyjyǵan kúnniń astynda turǵan ony baıqap qalǵan. Artynsha polıtsııaǵa habarlaıdy.
Qatigez ákeni polıtseıler qolǵa túsirdi. Quqyq qorǵaýshylarǵa ol qyzyna 15 mınýttan soń qaıta oralǵanyn, biraq taba almaǵandyǵyn aıtqan.
Osy oqıǵaǵa baılanysty sot 4 tamyzda Krıstofer Votsonǵa bultartpaý sharasyn qoldaný týraly sheshim qabyldaıdy.
