«Ashtyq jarııalaǵandar aqylǵa keldi» - respýblıkalyq basylymdarǵa sholý
***
Keshe Astanada Londondaǵy HHH Jazǵy olımpııa oıyndaryna qatysqan Qazaqstan ulttyq quramasy múshelerine qurmet kórsetý saltanaty boldy. Rásimniń Táýelsizdik saraıyna ótken negizgi bóliginde Memleket basshysy Nursultan Nazarbaev elimizdiń aty men dańqyn Ulybrıtanııa jerinen aspanǵa sharyqtatyp, aıdaı álemge taratyp qaıtqan sańlaqtarymyzdy qabyldady. Sport juldyzdaryn qoshemetteý saltanaty jaıly materıaldar toptamasy "Egemen Qazaqstan" gazetinde "Olımpıadashylar jeńisi - Qazaqstannyń jetistigi" degen jalpy taqyryppen berilgen.
Jaqynda Kýrchatov qalasynda QR Atom energııasy agenttiginiń tóraǵasy Tımýr Jantıkın, AQSh-tyń Qazaqstandaǵy elshisi Kennet Feırfaks, sondaı-aq Reseı, AQSh, Frantsııa jáne Ortalyq Azııa elderiniń belgili ǵalymdarynyń qatysýymen «ıAdrolyq synaqtar jáne onyń zardaptarynyń monıtorıngi» taqyrybynda halyqaralyq konferentsııa ótti. Jıynda radıoaktıvti kózderdi anyqtaý ári qaýipsiz tasymaldaý, ıadrolyq jarylystarǵa monıtorıng jasaýdyń jańa júıeleri men tehnologııalaryn qurý arqyly onyń nátıjelerin shyǵarý, buryn júrgizilgen zertteýlerge baǵa berý, taǵy basqa da máseleler sóz boldy. Konferentsııada sondaı-aq Nıderlandy Koroldigi, AQSh-tyń Energetıka mınıstrligi, QR Atom energııasy agenttiginiń ıadrolyq qaýipsizdikti nyǵaıtý barysyndaǵy ıadrolyq terrorızmge qarsy kúresýdiń amaldaryn damyta túsý uıǵaryldy. Áriptestik ornatqan úsh eldiń bilikti mamandary ıadrolyq terrorızmniń aldyn alý maqsatyndaǵy bul máseleni úlken kúsh dep baǵalady. Osy jıyn jaıynda tolyq bilgińiz kelse, «Egemen Qazaqstan» gazetindegi «Synaq zardaptaryn joıýǵa arnaldy» degen taqyryptaǵy maqalany oqyńyz.
«Egemen Qazaqstan» gazetiniń jazýynsha, Baqytjan Jumaǵulovtyń tóraǵalyǵymen Bilim jáne ǵylym mınıstrliginde Qazaqstan Respýblıkasy Tuńǵysh Prezıdentiniń -Elbasynyń «Órken» bilim berý grantyn taǵaıyndaý jónindegi respýblıkalyq komıssııanyń otyrysy ótkizildi. Respýblıkalyq komıssııa Kókshetaý, Taldyqorǵan, Semeı, Oral qalalaryndaǵy fızıka-matematıkalyq baǵyttaǵy Nazarbaev Zııatkerlik mektepterine jáne Óskemen qalasyndaǵy hımııa-bıologııalyq baǵyttaǵy Nazarbaev Zııatkerlik mektepterine 7, 8, 9 synyp oqýshylaryn irikteý konkýrsynyń qorytyndysyn shyǵardy. Konkýrstyq irikteý 2012 jylǵy 16-24 shilde aralyǵynda ótkizildi. Konkýrsqa qatysýǵa tilek bildirgen 827 oqýshynyń 370-niń materıaldary komıssııa músheleriniń qaraýyna usynyldy.Bul jaıynda «Órken» grantynyń ıeleri anyqtaldy» degen taqyryptaǵy aqparatta baıandalǵan
***
«Qaraǵandy oblysynyń ortalyǵynda jermen-jeksen bolǵan jetinshi úıdiń tóńiregindegi daý áli basylar emes. Basylǵany óz aldyna, burynǵy basshylyqtan muraǵa qalǵan bylyq qazirgi bıliktiń basyn ábden qatyrdy. Jergilikti bılikte sáýirdiń 1-inen beri uıqy joq. Týra sol kúni «Besoba» turǵyn úı keshenindegi sý jańa úıdiń qabyrǵasy qaqyrap, ol jerde tótenshe jaǵdaı jarııalanǵan bolatyn... Aqıqatyn aıtar bolsaq, bul úıdiń qabyldanýynyń qazirgi ákimge qatysy joq. Úleskerler qarjysyna turǵyzylǵan «Besoba» elıtaly turǵyn úı kesheniniń 7-shi bes qabatty úıi 2009 jyly paıdalanýǵa berilgen», - dep jazady «Aıqyn» gazeti «Ashtyq jarııalaǵandar aqylǵa keldi» atty maqalasynda. Basylymnyń atap ótýinshe, jaqynda bılik qulaǵan úılerdiń ornyna turǵyzylatyn jańa keshenniń jobasyn tanystyrdy. Qala basshylyǵy jańadan salynatyn úıdiń qurylysy barysyn bul joly qatań qadaǵalamaqshy.
***
«Halqymyz erteden tabıǵatqa jaqyn boldy. Ásirese keıbir ań men qusty kıeli sanady. Solardyń qatarynda qarlyǵash ta bar. Aýylda ósken bala ony jaqsy biledi. Árbir shańyraqta qarlyǵashtyń uıasy turatyn edi. úıdiń esigi kúnuzaqqa ashyq bolatyn. Qarlyǵash úıge emin-erkin kiretin. Balapandary kúni boıy «án salady» da jatady. Olar jyly jaqqa ushyp ketkende shańyraqta jaqynymyz joqtaı kórinetini taǵy bar. Qazir de elge barǵanda qarlyǵashty izdep eleńdep otyramyz. Alaıda baıaǵydaı emes, atalmysh qanatty kózimizge kóp túse bermeıdi. Árbir úıge uıa salýdy da qoıǵan sekildi», - dep jazady «Alash aınasy» gazeti. Bul jaıynda basylymnyń búgingi sanyndaǵy «Qarlyǵashqa kim qamqorlyq kórsetedi?» degen taqyryptaǵy maqaladan egjeı-tegjeıli bile alasyzdar.
***
«Ekspress K» basylymy búgingi sanynda «Ah, "sýzýkı", ty "Sýzýkı" atty materıaldy berip otyr. Bıyldyń 7 aıynda resmı dılerlerden otandastarymyz 48 myń jańa avtokólik satyp alǵan kórinedi. Bul kórsetkish ótken jylǵa qaraǵanda 2 esege artyq. Sheteldik jańa kóliktiń ortasha quny 27-28 myń AQSh dollary kóleminde. Bul somaǵa shamamen Skoda Superb, Ford Focus, Audi A3 nemese BMW 116i sekildi kólikterdi alýǵa bolady. Kólik naryǵyndaǵy jaǵdaıdy bilgińiz kelse atalǵan basylymdy oqyńyz.
