AShM jergilikti organdardyń astyqqa qatysty esepti durys bermegenin anyqtady
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR AShM Agroónerkásip keshenindegi memlekettik ınspektsııa komıtetiniń tóraǵasy Saqtash Qasenov málim etti.
«Bizde bes jyldan astam ýaqyttan beri astyq bastyrylǵan aýmaqtardy ǵaryshtan monıtorıngileý baǵdarlamasy bar. Atalǵan ǵaryshtyq monıtorıng derekteri men jergilikti atqarýshy organdardyń beretin jedel esepteri arasynda aıyrmashylyq bar. Respýblıka boıynsha aıyrmashylyq 10-12 paıyzdy quraıdy. 12 paıyz bul shamamen 2 gektar alqapty quraıdy», - dedi ol.
Komıtet basshysynyń sózine qaraǵanda, búgingi kúni respýblıkada jalpy saqtaý syıymdylyǵy 14,1 mln. tonna 215 astyq qabyldaý kásiporyny jumys isteýde.
«Astyq qabyldaý pýnktterine 5,1 mln. tonnaǵa jýyq jańa egin astyǵy kelip tústi. 4,4 mln. tonnasy bıdaı. Saqtaýǵa alynǵa 4,2 mln. tonna jumsaq bıdaıdyń 80 paıyzdan astamy 3 surypty», - dedi S.Qasenov.