AShM «Jaıylymdar týraly» zań jobasyn ázirlep jatyr

ASTANA. 19 maýsym. QazAqparat - QR Aýyl sharýashylyǵy mınıstrligi Parlament Májilisiniń Agrarlyq máseleler komıtetimen birlese otyryp, «Jaıylymdar týraly» zań jobasyn ázirleýde.

Bul týraly búgin jalpy otyrysta Aýyl sharýashylyǵy vıtse-mınıstri Gúlmıra Isaeva málimdedi.
Onyń aıtýynsha, bul qujatta mal sharýashylyǵy úshin paıdalanylatyn jerlerdi rettestirý máseleleri qarastyrylady.
Qazirgi kezde jeke menshiktegi nemese jalǵa berilgen aýyl sharýashylyq jerleriniń kóp bóligi tıimdi paıdalanylmaıdy degendi basa aıtty vıtse-mınıstr. Sondyqtan kóptegen mal ósirýshiler maldaryn jaıatyn jer taba almaı júr.

«Osyǵan baılanysty, atalǵan máselelerdi retteý úshin biz qajetti zańnamalarǵa ózgertýler men tolyqtyrýlar daıyndap shyqtyq», - dedi G. Isaeva.