AShM jaıylym jerlerin ádil bólýdiń jańa tetigin ázirlep jatyr
«Qazirgi kúni osy suraqtardy sheshýdiń birneshe joly qarastyrylyp jatyr. Negizi bul jumystardy jergilikti atqarýshy organdar júıeli túrde uıymdastyrýy kerek. Ár jergilikti jerdiń óz júktemesi bar. Eldi mekenderde mal basyna jaıylym jerleri júktemesinen asqan jaǵdaıda onda sol eldi mekenderge shekarasyn keńeıtip, jaıylym qosyp beremiz dep otyrmyz. Ekinshi másele – ıgerilmegen 5 mln gektar jerdi qaıtarý. Sonyń esebinen eldi mekenge jaqyn jerlerdi eskerip, olardy eldi meken shekarasyna qosyp, bekitip beremiz. Odan keıin bir aýylda 500, 1000 qoı nemese 100 jylqy ustaıtyn úıler kezdesedi. Al keıde bir aýyldyń bar malyn qossa 500 qoı ǵana shyǵady. ıAǵnı, jańaǵy bir ǵana adam óziniń 500 qoıyn jaıyp jaıylymdy birden tozdyrady. Ol – ádiletsizdik. Ondaı azamattarǵa biz «Aýyldan alysyraq jer bereıik, orman qorynan bolsa da alyńyz, baqtashy jaldaýǵa múmkindigińiz bar. Maldy sol jaqqa jaısańyz eldi meken mańyndaǵy jaıylymdy aýyldyń adamdary túgel paıdalanar edi» dep aıtyp jatyrmyz», - ol «Habar 24» arnasyna bergen suhbatynda.
Alaıda onyń atap ótýinshe, bul da máseleniń tolyq sheshimi emes kórinedi.
«Qazir mysaly 3 shaqyrym radıýsqa jetip otyrǵan jer erteń 5, odan keıin 10 shaqyrym bolady. Aýyspaly jaıylym joq. Aınaldyra maldy jaıa bergennen jaıylym jer tozady. Kelesi jyly osy 3 shaqyrym radıýstaǵy jerde shóp shyqpaı qalyp, turǵyndar taǵy 5-10 shaqyrymdy suraıdy. Jaıylym týraly zań bar. Ol jerde naqty aýyl ákimderiniń jaýapkershiligi kórsetilgen. Jaıylym shemasyn durys uıymdastyrý kerek. Ata-babalarymyzdyń tájirıbesindegi kókteý, jaılaý, qystaý, kúzdeý tájirıbeleri bolýy tıis. Mundaı aýyspaly jaıylymdy aýyl ákimderi uıymdastyrý qajet. Al baqylaý jer ınspektorlarynda bolý kerek. Aýyl ákimi durys uıymdastyrmasa, onda oǵan eskertý berip, odan keıin shara qoldaný kerek, bolmasa ákimshilik aıyppul salynýy tıis. Jalpy aýyl ákimderiniń jaýapkershiligi bolǵanymen de bul tetik tolyq jumys istemeıdi. Sondyqtan qazir osy baǵytta jańa tetik ázirlep jatyrmyz», - dedi Ábilhaıyr Tamabek.
