AShM Jaqsybekovtiń shtatty qysqartýǵa qatysty usynysyna jaýap berdi
Aıta keteıik, jaqynda QR Memlekettik qyzmet isteri jáne sybaılas jemqorlyqqa qarsy kúres agenttiginiń keńeıtilgen májilisinde Prezıdent Ákimshiliginiń basshysy Ádilbek Jaqsybekov uzaq ýaqyt boıy bos oryndardy ustap, jumysqa adam almaı jatqan mınıstrlikterdi synǵa aldy. Onyń oıynsha, atalǵan memlekettik organdar rezervte bar adamdardy qyzmetke qoıýǵa asyqpasa, ondaı vedomstvonyń shtatyn qysqartý qajet. Máselen, qarjy mınıstrliginde 970 qyzmet orny bos tursa, ulttyq ekonomıka mınıstrliginde - 900-den astam, al aýyl sharýashylyǵy mınıstrliginde 280 qyzmetke áli adam ala qoımaǵan. Nege ol oryndar bos tur? Bálkim, sol mınıstrlikterdiń shtatyn qysqartamyz. Sonyń arqasynda biraz aqshany únemdeýge bolady", - dep atap kórsetti Prezıdent Ákimshiliginiń basshysy.
Aýyl sharýashylyǵy vıtse-mınıstri Qaırat Aıtýǵanovtyń aıtýynsha, búginde atalǵan vedomstvonyń aımaqtyq bólimsheleri kóp. Bos oryndardy sanaǵanda sonyń barlyǵyn esepke alady. Konkýrstardy ótkizýge de biraz ýaqyt ketip qalady. "Qazir bir-eki adam bolmasa, sol shyǵady. Bireýi dekretke ketti, ekinshisi bir aı joq. Sonyń bárin qosqanda (bos jumys oryndary - avt.) shyǵa keledi. Mine, qarańyz, adam dekretke ketti. Sol kezde biz konkýrs jarııalaýymyz qajet. Ol da bir-eki aıǵa sozylyp ketedi. Sonyń bárin sanaǵanda shyǵady", - dedi Q.Aıtýǵanov QazAqparat tilshisine bergen suxbatynda. Al "Demek, mınıstrliktiń shtatyn qysqartýdyń qajeti joq pa?" degen suraqqa: "Onsyz da qysqartyp jatyrmyz ǵoı", - dep qysqa ǵana qaıyrdy.