AShM zańsyz aǵash kesken eki mekeme basshylyǵyn jaýapqa tartady

ASTANA. QazAqparat - QR AShM Orman sharýashylyǵy jáne janýarlar dúnıesi komıtetiniń aýmaqtyq bólimshelerimen qurylǵan «Sapsan» jedel toby Aqmola oblysynda aǵash kesý men tasymaldaý boıynsha eki kommýnaldyq memlekettik mekemeniń zańdy belden basyp kelgenin anyqtady, dep habarlaıdy «QazAqparat» HAA tilshisi Aýyl sharýashylyǵy mınıstrliginiń baspasóz qyzmetine silteme jasap.

«Sapsan» jedel toby Aqmola oblysynyń aýmaǵyndaǵy Keńes, Krasnoborskoe jáne Otradnenskoe kommýnaldyq memlekettik mekemeleriniń jumysyna tekserý júrgizip, eki mekemeniń jalpy kólemi 56,96 tekshe metr aǵashty zańsyz kesip, orman sharýashylyǵyna 861 262,88 teńge kóleminde zııan keltirilgeni anyqtaldy.

«Kesilgen ýchaskelerdi tekserý kezinde orman aǵashtaryn daıyndaý, kesý jáne tasymaldaý tártibin buzý faktileri tilkelip, orman sharýashylyǵyna keltirilgen zııan 11 3030,25 teńgeni qurady. Sonymen qatar aǵashtardy kesip berýdi baǵalaýda da quqyqbuzýshylyqtar anyqtalyp otyr», - dep habarlaıdy vedomstvodan.

Qazirgi ýaqytta zańsyzdyqqa qatysty shara qabyldaý jumysy júrgizilýde.

Aıta ketsek, «Sapsan» jedel toby tikeleı QR Aýyl sharýashylyǵy mınıstrligine baǵynady. Jedel toptyń negizgi mindetteri - janýarlar dúnıesin, orman sharýashylyǵy men erekshe qorǵalatyn tabıǵı aýmaqtardy qorǵaý, ósimin molaıtý jáne paıdalaný salasyndaǵy memlekettik qadaǵalaýdy júzege asyrý. Qajet bolǵan jaǵdaıda osy salalardaǵy laýazymdy tulǵalardyń quqyq buzýshylyqtaryn anyqtaý jáne jolyn kesý bolyp tabylady.