AShM vıtse-mınıstri: Іri qaranyń sanyna qatysty málimetterde ala-qulalyq bar
«Qazirgi tańda aýyl sharýashylyǵy malynyń ıdentıfıkatsııalary men statıstıkalyq eseptiń málimetterinde aıtarlyqtaı aıyrmashylyq 1,5 mıllıon basqa jetip otyr. Іri qara boıynsha ǵana aıyrmashylyq 409 myń basty, usaq mal boıynsha 819 myńdy quraıdy. Josparlaý turǵysynan bul aıyrmashylyqtardyń mańyzy zor», - deıdi vıtse-mınıstr Aýyl sharýashylyǵynyń alqa otyrysynda.
Gúlmıra Isaevanyń aıtýynsha, aldyn ala sharalardyń josparyn jasaǵan kezde naqty atalǵan kórsetkishterge súıenýge týra keledi.
«Túptep kelgende, osy esepterge súıensek, bizde 1,2 mıllıon sıyr men usaq mal úshin vaktsınatsııa, qulaqqa taǵylatyn en satyp alynbaıdy. Ákimdikterdiń veterınarlary bul jumysqa kelgende eshqandaı sharany qolǵa almaı otyr. 2012-2015 jyldary biz statmamandarmen, veterınarlarmen jáne ákimdik qyzmetkerlerimen tıisti jumysty júrgizgen bolatynbyz. Bizdiń esepteýimizshe, bul sharany toqsanyna bir ret ótkizetindeı dástúrge aınaldyrý kerek», - deıdi vıtse-mınıstr.