AShM vedomstvolyq baǵynyshty uıymdarynan jalǵan qyzmetkerler tabyldy
Bul týraly QazAqparat tilshisi Qarjy mınıstrligi Memlekettik kirister komıtetiniń resmı ókili Murat Jumanbaıǵa silteme jasap habarlady.
«2016 jyldyń 21 qarashasynda Astana q. Memlekettik kirister departamentiniń ekonomıkalyq tergeýler qyzmeti QR AShM «Respýblıkalyq ósimdikter karantıni ortalyǵy» MM qyzmetkerlerine qatysty asa iri kólemde bıýdjet qarajatyn jymqyrý faktisi boıynsha sotqa deıingi tergeý amaldaryn bastady. Olar 2014 jyldan búginge deıin atalǵan memlekettik mekemege zań júzinde 15 adamdy jumysqa qabyldaǵan jáne jalaqylaryn alyp otyrǵan dep kúdiktelýde», - delingen Facebook paraqshasynda jarııalanǵan habarlamada.
Aldyn ala boljam boıynsha, keltirilgen shyǵyn 10 mıllıon teńgeden asady. Odan bólek, atalǵan «qyzmetkerler» atyna qyzmettik issaparlardyń jalǵan qujattary tabyldy.
Osylaısha, Respýblıkalyq ósimdikter karantıni ortalyǵyna tintý júrgizý barysynda resmı taǵaıyndalǵan tulǵalardyń jumysqa qabyldaý týraly ótinish blankteri, issapar kýálikteri, mekeme basshysynyń móri men qoly qoıylǵan eńbek kitapshalary, kartalyq shot ashý týraly kelisimsharttar jáne plastıkalyq tólem kartalary tabyldy. Qylmystyq isti tergeý jalǵasýda jáne qorytyndysy keıinirek jarııalanatyn bolady.