AShM tonnasyna 26,5 myń teńge baǵamen ishki naryq úshin astyq satyp alýdy 2 mıllıonnan 1,1 tonnaǵa qysqartýdy usynady
ASTANA. Qyrkúıektiń 27-si. QazAqparat /Marlan Jıembaı/ - Elimizdiń aýyl sharýashylyǵy mınıstrligi qazirgi tonnasyna 26,5 myń teńge baǵamen ishki naryq úshin astyq satyp alýdy 2 mıllıonnan 1,1 tonnaǵa qysqartýdy usynady.
Bul týraly búgin el Úkimetiniń tikeleı kórsetilip jatqan otyrysynda QR Aýyl sharýashylyǵy mınıstrliginiń jaýapty hatshysy Evgenıı Aman aıtty.
«Azyq-túlik korporatsııasy» AQ-nyń menshigindegi barlyq astyqqa jáne onyń túsimine balansty zerdelep, sonymen qatar azyq-túliktik bıdaı baǵasynyń ósýine oraı, bekitilgen azyq-túliktik bıdaıdy 2 mıllıon tonna kóleminde satyp alýdy 1,1 mıllıon tonnaǵa deıin kemitý týrasynda ózgertý engizýdi usynamyz», dedi E.Aman óz sózinde.
Bul oraıda 1 tonna astyqty satyp alý baǵasy 26,5 myń teńge sheginde qalatyndyǵyn atap ótken ol «Azyq-túlik» korporatsııasy» osy baǵamen astyqty ishki naryqqa jetkizetin bolady. Bul un, nan baǵasyn jańa ónim alǵanǵa deıin ustap turýǵa múmkindik beredi», dedi.
