AShM sýbsıdııalardy qarjy uıymdaryna tikeleı aýdarýdyń táýekelderin atady
Mınıstrdiń sózinshe, sýbsıdııa berý týraly ótinimderdi «Kútý paraǵy» qaǵıdaty boıynsha qabyldaý tetigi bıýdjette qarajat bolǵan kezde de, bolmaǵan kezde de iske asa beredi. ıAǵnı, burynǵydaı bólingen qarajat túgesilmeı turǵan kezde kim qujat tapsyryp úlgerse, soǵan ǵana beriledi degen qaǵıdattyń kemshilikteri joıylyp otyr. Bul osy baǵytqa bıýdjet qarajaty jetispegen kezde sýbsıdııalaýǵa qoljetimdilikti keńeıtýge múmkindik beredi.
Erbol Qarashókeev sýbsıdııalardy jergilikti ákimdikterdiń aralasýynsyz, tikeleı qarjy ınstıtýttaryna bólý máselesi jan-jaqty pysyqtalyp baryp qana iske asýy kerektigin aıtady. Óıtkeni mundaı sharanyń óz táýekelderi bar kórinedi.
«Birinshi.Agrarlyq nesıe korporatsııa» AQ kredıtteri jáne «QazAgroQarjy» AQ lızıngi 10 jylǵa deıingi merzimge beriledi. Bul rette respýblıkalyq bıýdjet 3 jyldyq kezeńge qalyptastyrylady. Sýbsıdııalar alýǵa kepildik berýdiń, onyń ishinde bolashaqta sýbsıdııalaý saıasatyn ózgertý, bıýdjetti sekvestrleý táýekelderin nıvelırleýdi kózdeıtin zańnamalyq tetikti pysyqtaý qajet.
Ekinshi. Halyqaralyq qarjylyq eseptilik standarttaryna sáıkes arzandatylǵan uzaq merzimdi kredıtter berý kezinde qarjy ınstıtýttarynyń shyǵyndaryn syrtqy aýdıtorlardyń moıyndaý táýekeli de bar.
Úshinshi. AÓK kredıt berý kóleminiń toqyraý nemese tómendeý táýekeli. Sýbsıdııalaý tetigi ózgergen kezde qarjy ınstıtýttary menshikti jáne tartylǵan qarajat esebinen kredıt berý kólemin bıýdjette kózdelgen sýbsıdııalar sheginde shekteıtin jáne bıýdjettik sýbsıdııalaý kólemi tómendegen kezde olardy barabar azaıtatyn bolady.
Tórtinshi AÓK-ke bankterdiń kredıt berýdi azaıtý táýekeli. Sýbsıdııalar alý kepildigi tek «Báıterek» holdınginiń qarjy ınstıtýttaryna ǵana qoldanylatyn sýbsıdııalaý tetigi ózgergen kezde ekinshi deńgeıdegi bankterdiń kredıtteri tartymdy bolmaýyna ákep soǵady. Bul óz kezeginde memlekettiń AÓK-ke kredıt berý rólin kúsheıtedi. Osyǵan baılanysty, sýbsıdııalardy tikeleı qarjy ınstıtýttaryna tóleý máselesin pysyqtaý joǵaryda kórsetilgen táýekelderdi barynsha azaıtý qajettigin eskere otyryp, jalǵastyrylatyn bolady», - dep jazylǵan jaýapta. https://www.parlam.kz/kk/mazhilis/question-details/19206
