AShM: Shymkent qalasyndaǵy aýmaqtyq ınspektsııanyń jumysy tekseriledi
Vedomstvo baspasóz qyzmetiniń málimetinshe, Shymkent jáne Túrkistan aýmaqtyq memlekettik ınspektorlary erte pisken qyryqqabatqa sertıfıkat berý úshin kúsheıtilgen jumys rejımine kóshken.
«Bıylǵy jyldyń birinshi toqsanynda QR Aýyl sharýashylyǵy mınıstrliginiń memlekettik ınspektorlary ósimdik ónimderiniń eksporty úshin 10,0 myńnan astam fıtosanıtarııalyq sertıfıkattar, onyń ishinde erte pisken qyryqqabatqa 2,5 myń sertıfıkat bergen. Jýyrda fermerlerdiń jappaı sertıfıkat suratýyna baılanysty Shymkent jáne Túrkistan aýmaqtyq ınspektsııasy kúsheıtilgen jumys rejımine kóshti», delingen habarlamada.
Qyryqqabatty eksporttaýǵa qajetti qujattar Túrkistan oblysy men Shymkent qalasynyń barlyq aýmaqtyq ınspektsııalarynda tapsyrylý qajet.
«Mamyr aıynda olar 2,7 myńnan astam ótinish qabyldandy. Osy aıda mamandar 2,7 myń fıtosanıtarııa jáne 164 karantın sertıfıkatyn berdi. Ósimdikterdiń karantındik tekserýin júrgizetin ár memlekettik ınspektor kún saıyn fermerlerdiń 40-qa jýyq ótinishin óńdeıdi, bul sáýir aıymen salystyrǵanda ortasha eseppen 2,5 ese kóp.
Qyryqqabat óndirýshilerdiń barlyq suranystaryn qanaǵattandyrý úshin Aýyl sharýashylyǵy mınıstrligi agroónerkásiptik keshenindegi memlekettik ınspektsııa komıteti Shymkent qalasynyń aýmaqtyq ınspektsııasyna qosymsha jumys ýaqytyn engizdi» delingen habarlamada.
Sonymen qatar, ótinishterdiń kúrt artýyna jáne ońtústikke fıtosanıtarııalyq sertıfıkattardyń berilýin jedeldetýge baılanysty basqa óńirlerden qyzmetkerler issaparǵa jiberilgen.
Fıtosanıtarlyq sertıfıkattardy berýden dáleldi bas tartý Qazaqstan Respýblıkasynyń «Ósimdikter karantıni týraly» zańnamasynyń talaptaryna sáıkes júrgiziledi, ótinish berilgen kúnnen bastap 5 jumys kúni ishinde júzege asyrylady.
Jalpy, fıtosanıtarlyq sertıfıkat berý protsesi úsh negizgi kezeńnen turady:
1) BBAJ portalyna túsken ótinimderdi tirkeý jáne tekserý, onyń ishinde ótinimde kórsetilgen aqparat pen derekterdiń tolyqtyǵy men durystyǵyn tekserý;
2) karantındik fıtosanıtarlyq jaǵdaıdy belgileý jáne karantınge jatqyzylǵan ónimderdi fızıkalyq tekserý, sondaı-aq tekserý júrgizý úshin ósimdikter karantıni jónindegi ınspektordyń karantınge jatqyzylǵan ónimdi saqtaýy jáne qoımaǵa barýy (úlgilerdi fıtosanıtarııalyq saraptamaǵa jiberýge bolady);
3) karantındik fıtosanıtarlyq baqylaý jáne qadaǵalaý týraly aktini BAAJ-da resimdeý, fıtosanıtarlyq sertıfıkatty tirkeý nemese ony berýden dáleldi bas tartý.