AShM shekara mańyndaǵy jer týraly jańa talaptardy túsindirdi
Jańa qaǵıdalar «QR keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» QR zańynda kórsetilgen.
«Qazaqstan bes memleketpen - Reseı, Qytaı, Qyrǵyzstan, Ózbekstan, Túrkmenstanmen shektesedi. Biz talap qoıatyn eki sanat bar: shekaralyq jolaq shegi boıynsha, Qytaımen shekarada - 2 shaqyrym, Reseı, Qyrǵyzstan, Ózbekstan, Túrkmenstanmen shekarada - 100 metr jer jalǵa berilmeıdi. Sonymen birge, shekaralyq aımaq shegi bar. Shyǵys Qazaqstan boıynsha Qytaımen shekaralas Kúrshim, Úrjar, Zaısan, Tarbaǵataı aýdandarynda, Almaty oblysy boıynsha Aqsý, Alakól, Panfılov, Raıymbek, Uıǵyr aýdandarynyń búkil aýmaǵynan jer bólinbeıdi. Al Reseı, Qyrǵyzstan, Ózbekstan jáne Túrkimenstanmen shekaralas aýdandarda 25 shaqyrym shekaralyq aýmaq sheginde jer satylmaıdy», – dedi vıtse mınıstr.
QR AShM Jer resýrstaryn basqarý komıtetiniń tóraǵasy Gúljahan Bımendınanyń aıtýynsha, buǵan deıin shekaralyq aýdandardan bólingen jerlerdi jańa zańǵa sáıkestendiriletinin aıtady.
«Shekaralyq jolaq sheginde jatqan jer jeke menshikke eshkimge berilmeıdi. Qazaqstandyqtar da, basqalary da jer sanatyna qaramastan, ýaqytsha ǵana paıdalana alady. Al shekaralyq aýmaq shegindegi jer buǵan deıin sheteldiktiń qatysymen rásimdelgen jaǵdaıda, qujattar qaıta rásimdeledi. ıAǵnı shekaralyq aýmaqtaǵy jer jeke menshikke berilmeıdi. Ondaı jaıttar anyqtalsa, is dereý sotqa joldanyp, 3 aıdyń ishinde memleket menshigine ótýi tıis. Jer Kodeksinde osyny retteıtin arnaıy №66-bap bar», - dedi G. Bımendına.
