AShM: Ortalyq Azııa aýmaǵynda janýarlardyń asa qaýipti aýrýlaryn baqylaý baǵdarlamasy ázirlenýde

    Bul týraly búgin Parlament Májilisinde ótken Úkimet saǵatynda Aýyl sharýashylyǵy mınıstri Asyljan Mamytbekov málim etti.

«Aýsyl sekildi dert tek maldyń ózinen bolatyn aýrý emes. Onyń syrtta tabıǵı oshaqtary da barshylyq. Sondyqtan da, ásirese Ortalyq Azııa elderinde tek qana veterınarlyq emes, shekaralardyń myqty bolýy da qajet. Óıtkeni, kóptegen jaǵdaıda elde aýsyldyń órshýi negizinen syrttan kelgen malǵa da qatysty bolyp tabylady», - deıdi mınıstr.

Osyǵan oraı, shektesetin memleketterdegi kúrdeli epızotıkalyq ahýaldy jáne respýblıka aýmaǵyna ınfektsııalardyń, onyń ishinde aýsyldyń ený qaýpin eskere otyryp, Ortalyq Azııa aýmaǵynda janýarlardyń asa qaýipti aýrýlaryn baqylaýdyń óńirlik baǵdarlamasy ázirlenýde.