AShM-nyń qoǵamdyq keńesi janynan alty salalyq komıssııa quryldy

ASTANA. QazAqparat - Búgin Astanada Aýyl sharýashylyǵy mınıstri Asyljan Mamytbekovtiń qatysýymen mınıstrliktiń janynan qurylǵan qoǵamdyq keńestiń birinshi otyrysy ótti. Otyrys barysynda keńestiń tóraǵasy, hatshysy taǵaıyndalyp, Prezıdıýmnyń quramy jáne birqatar komıssııalar bekitildi.

Keńestiń tóraǵasy retinde qazir aýyl sharýashylyǵy ardagerleriniń keńesin basqaryp otyrǵan Mıhaıl Troshıhın taǵaıyndaldy. Keńestiń hatshysy qyzmetine Stepan Lepeshko taǵaıyndaldy.

Sondaı-aq, alty salalyq komıssııa, atap aıtsaq, ósimdik sharýashylyǵy; mal sharýashylyǵy; sý resýrstary; orman sharýashylyǵy men janýarlar álemi; agrarly bilim, ǵylym, óndiris, aýyl sharýashylyǵy kesheniniń kadrlyq áleýetin damytýdy  ıntegatsııalaý; bıýdjet qyzmeti men jemqorlyqqa qarsy  ister jónindegi komıssııalar quryldy.

QR Aýyl sharýashylyǵy mınıstrliginiń jaýapty hatshysy Arman Evnıevtiń aıtýynsha, bul komıssııalar qoǵamdyq baqylaý júrgizip, ártúrli qoǵamdyq toptar qurýǵa quqyly.