AShM-niń laýazymdy tulǵasy Qarjy polıtsııasy qyzmetkerine para bergen
ASTANA. 25 aqpan. QazAqparat /Jasulan Amanbaıuly/ - QR Aýyl sharýashylyǵy mınıstrligi Sý resýrstaryn kúzetý jáne qoldaný boıynsha Esil basseıni ınspektsııasynyń bastyǵy N. Atshabarov shartty túrde 5 jylǵa bas bostandyǵynan aıyryldy.
Bul týraly búgin Astana qalasynyń Ekonomıkalyq jáne sybaılas jemqorlyq qylmysqa qarsy kúres departamentinde ótken brıfıngte quqyq qorǵaý organynyń baspasóz hatshysy Tolqyn Nábıeva málim etti.
«QR Aýyl sharýashylyǵy mınıstrligi Sý resýrstaryn kúzetý jáne qoldaný boıynsha Esil basseıni ınspektsııasynyń bastyǵy N. Atshabarov shartty túrde 5 jylǵa bas bostandyǵynan aıyrýǵa sottaldy. Ol tergeýge deıingi tekseris materıaly boıynsha qylmystyq jaýapkershilikke tartpaý úshin Astana qalasy qarjy polıtsııasynyń ınspektoryna 4 myń AQSh dollaryn berý kezinde ustaldy»,-dedi T. Nábıeva.
Onyń aıtýynsha, Atshabarov sonymen qatar óziniń qyzmettik jaǵdaıyn paıdalanyp, mekemede qaralmaǵan keńesshi laýazymyna L. degen azamatshany taǵaıyndap, oǵan tıisti jalaqyny esepteý arqyly 205 myń teńgeni qoldy qylǵan.
