AShM men elimizdiń 6 oblysy arasynda óńirlerdi azyqtyq astyqpen qamtamasyz etý týraly memorandýmǵa qol qoıyldy

Memorandýmǵa qol qoıý rásimi barysynda sóz alǵan Aýyl sharýashylyǵy mınıstri Aqylbek Kúrishbaev Parlamenttiń 4-shi sessııasynyń ashylýynda Elbasynyń Úkimetke nan baǵasyn turaqty deńgeıde ustap turýǵa tapsyrma bergendigin atap ótti. «Sol tapsyrmaǵa sáıkes, biz keshe túnde astyq óndirmeıtin óńirlermen memorandýmǵa qol qoıyp keldik. Memorandýmnyń negizgi maqsaty ár jaqtyń, árbir quqyqtyq organnyń mindetin anyqtaý. Bizdiń, «Qazagro» ulttyq kompanııasy «Azyq-túlik» korporatsııasynyń mindetti - tıisti deńgeıde, tıisti kólemde ózderińizdiń suranystaryńyzǵa baılanysty astyqpen qamtamasyz etý», dedi mınıstr óz sózinde.

Sonymen qatar ol astyq baǵasynyń turaqty bolatyndyǵyn jetkizdi. Onyń atap ótýinshe, 1 tonna astyq 180 dollar, ıaǵnı 26500 teńge somasynda jetkiziletin bolady. «Boljam boıynsha, áli de álemdik naryqta bıdaıdyń baǵasy qymbattap, ózgerýi kerek. Biraq bul baǵa naryqqa táýeldi emes. Álemdik naryqta astyq baǵamy qandaı bolsa da osy baǵa bizdiń ishki naryqta saqtalady. Bul bizdiń mindetimiz, al sizderdiń mindetterińiz - memorandýmǵa sáıkes, jetkizilgen astyqty maqsatty paıdalanýdy qamtamasyz etý. Ekinshiden, nannyń baǵasyn turaqty baqylap otyrý. Osy maqsattardy atqaratyn bolsaq, onda elimizdegi nan baǵasyn turaqty ustap otyrýǵa múmkindigimiz bolady. ıAǵnı jyldyń sońyna deıin ishki naryqtaǵy osy másele sheshiledi», dep túıdi sózin A.Kúrishbaev.

Mınıstrdiń aıtýyna qaraǵanda, qazirgi ýaqytta Almaty qalasy jáne Almaty, Jambyl, OQO, Qyzylorda, Mańǵystaý, Atyraý oblystarymen arada memorandýmǵa qol qoıylǵan. Al búgin atalǵan qujatqa BQO, SQO, Pavlodar, Qostanaı, Aqmola, Aqtóbe oblystary men Astana qalasy da qosyldy. Osylaısha búgin respýblıkanyń barlyq oblystarymen memorandýmǵa qol qoıǵan Aýyl sharýashylyǵy mınıstrligi erteńnen bastap onyń oryndaýǵa kirisedi.