AShM laýazymdy tulǵalaryna qatysty tergeý: Túrkistan oblysy MKD qyzmetkerleri ustaldy

NUR-SULTAN. QazAqparat - QR AShM laýazymdy tulǵalaryna qatysty sotqa deıingi tergeý aıasynda Túrkistan oblysy boıynsha Memlekettik kirister departamentiniń qyzmetkerleri ustaldy, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti.

«QR Sybaılas jemqorlyqqa qarsy is-qımyl agenttigi QR AShM laýazymdy tulǵalaryna qatysty sotqa deıingi tergeý aıasynda Túrkistan oblysy boıynsha Memlekettik kirister departamentiniń qyzmetkerlerin ustady, olar Qazaqstan Respýblıkasynyń memlekettik shekarasy arqyly iri-qara mal men usaq maldy jedel jáne kedergisiz ótkizgeni úshin keden beketterinde kásipkerlik sýbektilerinen júıeli túrde para alǵan» delingen habarlamada.

Qazirgi ýaqytta birqatar laýazymdy tulǵalar ustalyp, Shymkent qalasy boıynsha ІІD ÝUI-ǵa qamaýǵa alyndy.

Ózge aqparat tergeý múddesinde jarııa etýge jatpaıdy.