AShM Qytaı tarapynan qoıylǵan shekteýdi joıý úshin jumys júrgizýde
Bul týraly búgin Ortalyq kommýnıkatsııalar qyzmetinde ótken brıfıng barysynda QR Aýyl sharýashylyǵy mınıstrligi mal sharýashylyǵy óndimderin óndirý jáne qaıta óńdeý departamentiniń dırektory Erkebulan Ahmetov málim etti.
«100 naqty qadam» Ult josparyn júzege asyrý aıasynda Aýyl sharýashylyǵy mınıstrligi jergilikti atqarýshy organdarmen birlese otyryp, sol jerge strategııalyq ınvestorlardy tartýdy kózdeıdi. 2015 jyldyń qarashasynda Qytaı Halyq Respýblıkasyna jasaǵan resmı saparymyzda Shyǵys Qazaqstan oblysynyń aýmaǵynda et klasterin júzege asyrý jónindegi birlesken memorandýmǵa qol qoıdyq. Qytaı Halyq Respýblıkasynyń tarapynan keletin ınvestıtsııanyń jalpy kólemi 11 mln. dollar. Osy et klasteriniń aıasynda 17 myń tonna qoı etin óndiretin keshen salý josparda bar»,-dep túsindirdi E.Ahmetov.
Departament dırektorynyń habarlaýynsha, mal bordaqylaý alańyn qurylyp, sharýa qojalyqtarynyń jumysyn damıdy. «Kúni keshe «Aktep» kompanııasy men «INALCO eurasia» atty eýropalyq kompanııa arasynda yqpaldasqan kompanııa men jergilikti mal sharýashylyǵyn damytý salasyndaǵy kompanııa qurý týraly ınvestıtsııalyq kelisim boıynsha tıisti memorandýmǵa qol qoıylǵan. Osy kelisimniń aıasynda bir rette 44 myń mal basy syıatyn mar bordaqylaý alańdaryn jelisi qurylady der kútilýde. «Inalca eurasia» kompanııasy qazaq etiniń brendin qalyptastyryp, ony Eýropa men Reseı Federatsııasyna eksporttaýǵa nıetti»,-dep atap ótti Aýyl sharýashylyǵy mınıstrliginiń ókili.
E.Ahmetov atap ótkendeı, qazir elimizdiń Aýyl sharýashylyǵy mınıstrligi Qytaı tarapynyń Qazaqstannyń et óndirýshileri men et eksporttaýshylaryna qoıǵan shekteýin alyp tastaý boıynsha jumys júrgizip jatyr.